تقريرى المبدئ لبعد ما حدث لى:
السلام عليكم ورحمة الله وبركاته
هذا هو تقريرى بعد ما حدث امس
طبعا زى ما نتم عارفين امبارح الصبح فتح الكبود ودشدش البريبز بالكامل والحد الله
طبعا واللى حصل وانا رايح للباشا السمكرى من دخول سيارة فى الباب الايمن الخلفى ونتج عنه انكسار زجاج الباب والهواية وقايم الهواية اتعوج والباب وحافة الشنطة العلوية الحمد الله على كل شى....
قلت بالمرة نشد العربية من كلة قال الباشا السمكرى عاوزين رفرفين علشان فية برومه من اعلى عند المسامير اللى رابطه فى الكرتيرة
طلب زجاج باب خلفى وزجاج الهواية وقايم الهوياة....
قلت طيب الحم المفصلة المكسورة علشان اقفل الكبود واستعد الكابود قال ماشى قعد يرزع ودق لحد لما كسر الفانوس الشمال!!!!!!!!!
قلت يالله مهى ناقصة طيب طلباتك على شغلك بتاع المفصلة واستعدال الكابود طلب 40 جنيه....
مروحتش البيت فى الطريق المفصلة انقطمت خالص والكابود زرجن مش راضى يفتح روحت البيت كان اليل دخل اخدت سهرتى ونمت حد يصدق انى نمت ؟؟؟؟؟
صحيت الصبح قلت راسى والف فردة كاوتش لازم اشوف كالون الكابود ....
فكيته وفكيت الشداد منه لقيت السوستى اللى بتقفل على المسمار بها اعوجاج طبعا دا من البهوات اللى بيقدمها شويه علشان تقفل على مسمار الكبود بيحشرو مفكات ولافيهات لما عوجو السوستة بكدة بتسقط من منيمها لأن استقامة السوستة يضمن ثباتها فى منيمها وعدة انحرافها عند الحركة وهذا من احدث الحادثة الصباحية....
طلعت السوستة واستعدلتها تمام وركبتها وقدمت حلقة الشداد علشات المقبض يحمل عند الشد
الحمد الله الكالون كانه جديد شغال 100% بدون دق ورزع والله يقفل بقوه وبكل بساطة يفتح بكل ثلاثة الحمد الله....
روحت الشغل وبعد الظهر لفيت ملقتش الطلبات واحد قالى اجيبهوملك يوم الخميس قلت تاخد عربون قال لا لما اجيبهم طيب اكتبهم قال فاكرهم ههههههههههه عرفت انها زحلقة*
اتصل بواح قالى اجيبلك الرفرف جداد الواح ب250 جنية....
روحت للبيت اتغديت صليت العصر وقلت والله لازم اصلح المفصلة (راس ناشفه بقى) فكيت المفصلة استعدلتها ولمحتها على الكبود روحت ورشة لحام طلب لحامها ومجلخها من الداخل علشان تحكم الكابود (طبعا البيه الاسكافى كان مقلقع كتل لحام بتخلى المفصلة بترحل الكبود ودا بيعمل مصايب....
عملت الشغلانة كام يامعلم طلب 3 جنية معايا 10 قال معييش فكة قلت اى فكة معاك حاخدها طلع 5 جنيهات فكة قلت تمام وروحت ركبت المفصلة والله فبريكة جبت قطعة خشب حطيطها على قرون الكبود اللى كانت مرتفعة وبالشاكوش دق دق خفيف طبعا ريحت الكبود والمفصلة تمام التمام والكالون اتظبط يقفل لو سيبت الكابوت بوزنه....
اه مقلتش ليكم فكيت قايم الهواية واستعدلته كمان وجاهز للتركيب بس مستنى نستعدل قايم الباب....
مافيش صنايعى يجماعة مستعد يبذل اى مجهود فى اصلاح اى قطعة هو يطلب جديد والزبون يشترى وهو يدوبك يشبط المسامير ويشبط فى محفظتك ويفضيها فلابد من الاعتماد على النفس والله بالعقى يمكننا ان ننقل جبل ونعبر به البحر ونضعه فى الشاطئ الآخر بجد بعدين هيا ايه البية طلب جديد ايه المانع من المحالوله فى القديم واعادة اصلاحة؟؟؟
لذا سلسلة علم نفسك اللى انا عاملها بجد اتعلمت منها كتير وانتم شفتم تغيير المساعدين والكبالن بدون اى رزع او دق بالعقل ياشباب بالعقل عقل المصرى يفوق عقول الخواجات بمراحل بس الموضوع محتاج عزيمة ورح العمل والانتاج....
استحلفكم بالله سيبوكم من المثل الشائع ادى العيش لخبازة يجب ان نخبز ما نريد ان ناكله........